disenje_1

Наредниве неколку денови почнете да го набљудувате и проучувате начинот на кој дишете. Дишете ли низ нос или низ уста? Обрнете внимание и на тоа дали имате навика за задржување на здивот. Фокусирајте се на дишењето низ нос и потсетувајте се себеси дека не треба да го задржувате дишењето. Пранајама е аспект на јогата кој се занимава со дишењето, со неговото терапевтско дејство, чувањето на виталната енергија. Обидете се некои техники на пранајама да ги усвоите и практикувате во секојдневниот живот. Потврдено е дека правилното дишење е еден од најсигурните и најделотворните начини за редуцирање на стресот и обновување на енергијата.

Контрола на дишењето

Повеќето луѓе денес не дишат целосно со белите дробови. Речиси никогаш не ги користат стомачните мускули (абдоминално дишење), па затоа не се полни долниот дел од белите дробови, кои можат да го снабдат телото дури со 80 % кислород.

Стомачното дишење е правилно и не ослободува од напнатоста, опушта, го контролира претераниот притисок на срцето и има големо влијание на нервниот состав. Ако го промениме начинот на дишење, можее да завладееме со автономниот нервен состав.

Во западната култур нема научни докази за можноста за контрола на независниот нервен систем, но луѓето што се занимаваат со јога, со одредени методи на дишење постигнуваат целосна контрола над таканаречените автономни функции на телото. Јапонците со длабоко дишење ја постигнуваат потребната смиреност, а во Кина таоистите ги учат вежбите за дишење за долг живот.

Човекот на денешницата има голема корист од орекувањето од неправилниот начин на дишење. Ако се научи правилното дишење во моментот на доживување стрес, ќе бидете подготвени со дишење да ги смирите чувствата и мислите. Кога ќе се концентрирате на дишењето, заборавате на причината на вашиот немир.

Дишење за добро утро

Кога ќе ви зазвони алармот за будење, наместо да се напиете кафе, обидете се да дишете за да се освестите. Дишете така што ќе создавате шушкав звук, некој вид слабо рчење. Тоа е ујају, техника на будење на телото, една од основите на јогата, при што се опуштаме и концентрираме.

За подобро варење на храната

Единствен начин да го подобрите варењето на храната е бхастрика. Опуштете се во столицата, исправете го грбот, а стапалата прилепете ги за подот. Ставете ги рацете на колената со горниот дел од дланките над колената и прстите поставени надолу. Почувствувајте како стомакот ви се шири додека вдишувате воздух. Кога издишувате, ќе почувствувате како стомакот ви се затегнува. Оваа вежба користете ја пет минути по оброкот, за да го подобрите варењето на храната.

Ослободете се од нервната напнатост

Следниот пат кога ќе почне да ве фаќа нервоза, направете длабоко бхрамари дишење. Седнете право, но треба да ви биде удобно. Вдишувајте полека и длабоко низ нос. Потоа нежно затворете ги ужите со показалците и затворете ги очите. Издишувајте полека, создавајќи долг и непрекинат звук. Уживајте во звукот и вибрациите произведени со оваа техника на дишење.

Прочистете го мозокот

По тешкиот напорен ден, пред да го префрлите ќебето преку главата, пробајте капалбхати дишење. Седнете удобно со прекрстени нозе. Стегнете ги стомачните мускули додека издишувате низ двете ноздри. Опуштете ги мускулите и уште еднаш направете едно силно вдишување и издишување. Постепено зголемувајте го бројот на вдишувања и издишувања, ако е можно и до 100 во минута.Длабоко вдишувајте и постепено издишувајте.

Кога дишеме свесно, а кога несвесно?

Кога човек е лут, тој дише силно и брзо, а прозевањето е реакција на нашето тело кога останува без доволно кислород. Се се тоа изрази на природно дишење. Врескањето е обид да се исфрли насобраната тензија, бидејќи не знаеме како тоа да го направиме на поинаков начин. Длабокото дишење е одраз на мирната состојба и ум, а грчевитото, плитко или испрекинато дишење предупредува на хаотична емоционална состојба.

Подобрете ја концентрацијата

Без разлика што работите, концентрацијата може да ви помогне, но и да ви одмогне. Но, како да ја подобрите? Делотворно средство за подобрување на среденоста на мислите и концентрацијата е техниката на медитација. Добрите ефекти од медитацијата се потврдени во многу истражувања. Голем број деловни луѓе, уметници, психолози, научници и многу други можат да го потврдат позитивниот ефект од својата пракса. Корисна техника од медитацијатае вниманието на дишењето-набљудувањето на вдишувањето и издишувањето е добар начин за развивање на концентрацијата. Лесно се учи, има добри ефекти – ги ублажува негативните последици на стресот, ревитализира, ги смирува хаотичните мисли, ја поттикнува креативноста, го подобрува помнењето и ги шири видиците.