Дали сте во добра форма според возраста?

Годините минуваат, а изговорот дека од утре почнувате да вежбате е вечен. Сега постои фитнес барометар кој ќе ви покаже во каква состојба ви е телото. Мислите имате кондиција? Тоа може да го дознаете ако направите еден основен фитнес тест според возраста и ако успеете да ги направите сите вежби од него. Ако можете, тогаш сте фит и подвижни токму онолку колку треба да сте во однос на возраста. Било да имате 22, 33 или 73 години, вежбите и движењата се осмислени како фитнес барометар за сите оние кои сакаат да го оддржуваат добро своето здравје и не е многу лесен.

Во 20-те години треба да можете да:

• Истрчате 5 км за 30 минути
• Да направите 20 пати вежба која се состои од чучнувања, скокови и склекови
• Да издржите по една минута планк и за левата и за десната страна

Совет: Редовното вежбање, редукцијата на хроничниот стрес, квалитетниот сон и избалансираната исхрана ќе ви овозможи неверојатни здравствени бенефити како во дваесеттите години така и во идинина.
 

Во 30-те години треба да можете да:

• Истрчате 1,6 км за помалку од 9 минути
• Да издржите 45 секунди планк
• Да подигнете од место товар кој има повеќе од 50% од вашата тежина

Совет: Трудете се да бидете активни и да правие почести паузи ако работата ви е поврзана со канцелариска работа. Искористете ја паузата за ручек за да се прошетате.
 

Во 40-те години треба да можете да:

• Да трчате спринт 60 секунди без пауза
• Да направите 10 склекови без пауза
• Да ги допрете ножните прсти, држејќи ги нозете целосно прави

Совет: Во овие години е многу важно да не користите јавен превоз или автомобил. Ако правите повеќе од 10.000 чекори во текот на денот, се смета дека сте многу активни – тоа е одлично за вашиот мускулно-скелетен систем, односно за зглбовите, мускулите и коските.

Во 50-те години треба да можете да:

• Да трчате со умерено темпо 60 секунси без пауза
• Да направите по 5 пати вежба која се состои од чучнувања, скокови и склекови
• Да седнете на подот со скрстени нозе и да станете без да се помагате со рацете

Совет: Помеѓу 50-та и 70-та година губиме околу 30% од мускулната маса, па затоа е многу важно да се воспостави некој вид на фитнес режим. Но, секојпат кога ќе се заморите седнете да се одморите.
 

Во 60-те години треба да можете да:

• Да правите по 10.000 чекори секој ден
• Да направите по 12 чучнувања без пауза
• Да ги споите врвовите од прстите така што едната рака ќе ја префлите преку рамењата, а другата зад грбот

Совет: Според физијатријата, еден човек од тројца по 65 година има шанси да падне, дури и ако има одлично здравје. Стареењето ги уништува балансот, зглобовите и мускулите, а сето тоа може да се влоши доколку седите. Заоа обидете се составен дел од животот да ви биде некоја програма за вежбање со барем три пати неделно.
 

Во 70-те години треба да можете да:

• Испешачите 1,6 км за помалку од 16 минути
• Да се искачите по 10 скалила за помалку од 30 секунди
• Да станете од стол и да седнете на него без да се помагате со рацете и тоа да го повторите минимум 12 пати за 30 секунди

Совет: Многу е важно да останете активни во овие години. Иако никогаш порано не сте вежбале, не е доцна да почнете да си поставувате на себе мали, дневни цели и неколку пати неделно да одите на пливање или да го прошетате кучето.