Од сите анаболни хормони во телото, тестостеронот без сомнение е еден од најсилните. Затоа и не е изненадување дека овој хормон е поврзан со широк спектар на телесни функции, како што се зголемување на мускулната маса, меморијата, либидото и концентрацијата.

 

Тоа значи дека за спортистите, главниот аспект на загриженост околу тестостеронот се неговите анаболни својства. Без овој хормон, целокупниот труд, пот и напорна работа во салата ќе бидат безвредни.

 

На пример, некој може да вежба со тежини напорно секој ден и да не добие ни малку мускулна маса без овој неопходен хормон. Се разбира, ова оди двонасочно, што значи дека вишокот на тестостерон ќе ви даде поголема моќност во салата за вежбање. Ако телото на некоја личност не го произведува овој хормон во доволна количина, нејзините придобивки од вежбањето сигурно ќе страдаат и ќе изостанат во некој дел поради овој факт. Имајќи го ова на ум, спортистите мораат да сторат сé што е во нивна моќ за да го регулираат нивото на тестостерон, и да го задржат на високо ниво.

 

Подобрени нивоа на тестостерон

 

Доколку ви недостига само една нешто- без оглед дали е тоа недоволен внес на микро нутритиенти или макро нутриенти и особено недоволно спиење, вашите придобивки од вежбањето ќе страдаат поради тоа! Ова исто така важи и за нивото на тестостерон и нивото на хормонот за раст. Постојат два минерали на кои треба да бидете фокусирани, особено затоа што и двата имаат огромно влијание врз способноста на телото да се опорави по тренингот и да добие на мускулна маса.

 

Цинк

 

Ако имате недостаток од овој минерал, тогаш вие ефикасно ги саботирате сите ваши напори кои ги вложувате во салата за вежбање! Дефицитот на овој минерал значи дека вашата мускулната сила и издржливост ќе се намалат. Не само што цинкот го помага опоравувањето на ткивото по вежбање, растот на мускулите и опоравувањето по тренинг, но тој исто така ги оптимизира нивоата на инсулин и семоќниот тестостерон ! Во прилог на ова, и ензимите кои го блокираат производството на млечна киселина имаат потреба од цинк со цел правилно да функционираат. Звучи како нешто со коешто не би требало да си играте? Точно така, заради тоа ова е толку важен минерал.

 

Магнезиум

 

Недостатокот на магнезиум влијае на намалувањето на транспортот на кислородот до мускулните ткива. Магнезиумот се разбира, е познат по зголемување на издржливоста и силата, но исто така, потврдено е дека го поттикнува и опуштањето. Друга причина за тоа зошто не би сакале да ви недостасува овој минерал е поради тоа што ја стимулира активноста на ензимите која му е потребна на телото за да се метаболизираат амино киселините и јаглехидратите .

 

Факти за овие два минерала

 

Податоците од бројни студии покажале дека поголемиот дел од луѓето кои се исхранувале по некој свој “режим на исхрана”, внеле во својот организам помалку од две третини од препорачаната дневна доза за внесување на цинк. Истото важи и за магнезиумот, со тоа што во овој случај уште помалку луѓе ги внеле во својот организам препорачаните дневни дози на овој минерал. Овие истражувања првенствено биле спроведени на неактивни луѓе, а факт е дека спортистите и луѓето кои водат активен живот ги трошат своите минерални резерви многу побргу отколку останатите. Неколку студии покажале дека резервите на цинк и магнезиум сериозно се намалуваат неколку дена по напорни активности.

 

Решенија за помалиот дневен внес на минерали и нивниот недостиг во организмот

 

Очигледното решение за овој проблем е да ја надополните вашата исхрана со двата минерала- цинк и магнезиум. Следниве насоки треба да се почитуваат во секој случај.

 

– Земете ги овие два минерали најмалку 30 минути пред да си легнете и исто така, бидете сигурни дека ќе ги земете на празен стомак. Препорачливо е да почекате час или два по јадењето, пред да го земете суплементот.

 

Ефектот на цинкот врз телото е максимизиран за време на циклусот на спиење, што има смисла, бидејќи телото ја започнува фазата на опоравување кога мозокот спие. Всушност, најголемиот бран на хормони за раст се присутни веднаш по заспивањето (приближно 1,5 часа по заспивањето). Сега, бидејќи сите- и тестостеронот, инсулинот, магнезиумот и цинкот ги зголемуваат ефектите на хормоните за раст, веројатно сфаќате дека има смисла да се земат суплементите навечер пред одењето во кревет- кога е и време на максимална апсорпција.

 

Дозата на суплементите треба да биде како што следи : 450 mg магнезиум и 30 mg цинк.

 

– Не земајте било какви суплементи за калциум во комбинација со суплементите за цинк и магнезиум! Причина за ова е тоа што калциумот се бори за максимална апсорпција во телото, па затоа е најдобро да го земаме или него или другите минерали како суплементи .

 

Разбирање на суплементацијата и нејзините предности

 

1 . Зголемување на мускулната издржливост и мускулната сила
2 . Намалување на должината и времето на мускулните повлекувања и грчеви
3 . Зголемена способност за опоравување по вебањето и после настанување на повреда
4 . Повисоко ниво на подготвеност и зголемување на целокупна концентрација
5 . Намалување на задржувањето на водата во организмот
6 . Подобрено ниво на одмор и релаксација за време на спиењето

 

Завршни согледувања

 

Единствениот начин за калитетно вежбање е секако да одите и да вежбате во фитнес салата! Имајќи го ова предвид, секако доаѓа и новонастанатата одговорност за управување со способностите за опоравување и обновување на вашето тело. Посветете особено внимание на оние области и оние минерали и витамини кои недостасуваат во вашата исхрана, а погоре ви се наведени повеќе аспекти кои многу луѓе можат да ги превидат. Овие аспекти, доколку ги превидиме и ги препуштиме сами на себе, сигурно ќе резултираат со мал успех и бавни придовки во растот на мускулната маса, што за секоја спортист со барем мала самодоверба е доволна причина да размисли за тоа да ја сфати сериозно потребната дневна доза на минерали!

Eripuit oporteat patrioque vel ne. Albucius voluptatum eu vel. Sea nisl voluptaria sententiae et, eum autem fuisset definitionem no. Id paulo dicam postea nam, quo regione facilisi aliquando cu. Ad aeque reformidans mediocritatem vim.