Секој сака да има рамен стомак или секси стомачни мускули, но тие нема да се разбудат од хибернацијата ако дневно не правите по 1000 стомачни вежби. Правилниот начин на исхрана е најважниот фактор за стомачните мускули да се појават и дса станат видливи.

Како да го одредите типот на вашата диета, односно начинот на вашата исхрана?

Пред се, важно е да се одреди вашиот тип на телесна градба. Постојат три основни типови на градба, а тоа се ектоморфен, мезоморфен и ендоморфен.
Ектоморфниот тип на градба е природно виток, со слаби нозе и со низок склад на масните наслаги. Се карактеризира со брз метаболизам, доминација на штитната жлезда и висока толеранција на јагленохидрати. Типичните фитнес цели кај овој тип на телсна градба е зголемување на мускулната маса и сила.

Мезоморфниот тип е природно развиен, со крупни коски, широки рамења, тенка половина и контролирана телесна маснотија. Карактеристиките на овој тип телесна градба се доминација на тестостерон и хормони за раст, и умерена толеранција на јагленохидрати. Типичните фитнес цели кај овој тип на телесна градба се одржување и/или зголемување на мускулната маса со оддржување низок процент на масти.

Ендоморфниот тип е природно широк во колковите и во половината, има зголемен процент на масти и поголема коскена струкура и е склон кон дебелеење. Карактеристиките на овој телесна градба се доминацијата на инсулинот, бавен метаболизам и ниска толеранција на јагленохидрати. Типичните фитнес цели на овој тип телесна градба се губење на телесните масти, посебно околу делот кај стомакот.

Откако ќе утврдите на кој од овие типови му припаѓате, треба да одредите кој е односот на макронутритиентите во вашата исхрана до кои треба да се држите, со цел да ги истакнете оние убави стомачни мускули. Просечниот однос на хранливи состојки за ектоморфниот тип на градба е 25% протеини, 55% јагленохидрати и 20% масти. За ендоморфниот тип просечниот однос е 35% протеини, 25% јагленохидрати и 40% масти, додека за мезоморфниот тип тој однос изнесува 30% протеини, 40% јагленохидрати и 30% масти.
По ова останува да се одреди и начинот на тренинг за соодветниот тип на градба и режим на исхрана. Видови намирници кои треба да се консумираат за согорување на телесните масти се: белки од јајца, овесна каша, кафеав ориз, пилешки и мисиркини гради, туна и други видови риби, аспарагус и сладок компир. Овие намирници за согорување на масти треба да бидат составен дел на вашето мени во постигнување на целта. Исхраната мора да биде и нискокалорична, што грубо кажано изнесува околу 10-12 калории по килограм телесна маса, што ќе ви помогне да согорите севкупните масти и да го намалите нивниот процент во телото.
А, тука одлично ќе помогнат и следниве вежби. При нивното изведување е најважно да се почувствува контракција на стомачпните мускули, затоа што ако таа изостане тогаш не ги правите вежбите како што треба. Секоја вежба треба да се изведува во најмалку 3-4 серии со по 20 повторувања, со период на одмор од 30 секунди до 1 минута.

Гради  / Бицепс

Вежби за гради:
рамен потисок од клупа (4 сетови/10-12 повторувања)
кос потисок од клупа, со тегови (4 сетови/10-12 повторувања)
вкрстување сајли (4 сетови/10-12 повторувања)

Вежби за бицепс:
стоечки бицепс (4 сетови/10-12 повторувања)
навалување со сајли на лат машина или на гладијатор (4 сетови/10-12 повторувања)

Рамења/ Грб


Вежби за рамења
:
потисок со тегови над главата (4 сетови/10-12 повторувања)
подигање тегови од бедарата до брадата (4 сетови/10-12 повторувања)
латерално подигање тегови во претклон(4 сетови/10-12 повторувања)

Нозе / Трицепс

Вежби за нозе:
чучнувања (4 сетови/10-12 повторувања)

– веслање во претклон (4 сетови/10-12 повторувања)
ножна екстензија (4 сетови/10-12 повторувања)

подигање на прсти за листовите (4 сетови/10-12 повторувања)

 

Вљубеничка во здравата исхрана и науката, сака да чита литература од разни жанрови и обожава медицина