Разни студии се направени со цел да се докажат благодетите од житарките и да се утврди врската меѓу диеталните влакна и индексот на телесна маса кај возрасните личности. Оваа здрава диета за слабеење трае вкупно седум денови и се базира на секојдневно внесување интегрални житарки.

I ДЕН: Пченица

Зрното пченица е преполно со хранливи состојки, посебно со витамините E, Б3, Б2 и Б1. Во него се наоѓа вистински рудник од минерали, како фосфор, калиум, бакар, цинк, железо, магнезиум, а содржи и бројни влакна и незаменлива фолна киселина.

  • Појадок: пченична каша, замена за бел шеќер и шолја млеко
    Ручек: чорба од зеленчук (1 шолја), млад кромид (1 врзоп), пченична каша
    Вечера: пченична каша, 1,25 дл. Пробиотски јогурт, здрава замена за шеќер, малку цимет

 

II ДЕН: Просо

Просото е житарка која е исклучително богата со лизин, како и со протеини и витамини од Б – групата. Не содржи глутен, па затоа им се препорачува на оние кои се нетолератни на овој протеин. Одлично го алкализира организмот и многу лесно се вари. Делува при лошо варење и е многу добар за желудникот, панкреасот и бубрезите.

  • Појадок: каша од просо, здрава замена за шеќер, еден децилитар топло млеко
    Ручек: полна шолја зеленчукова чорба, просо
    Вечера: просо, природен шеќер, изрендано јаболко, сок од еден исцеден лимон

 

III ДЕН: Овес

Овесот изобилува со Е витамин, цинк, бакар, селен и магнезиум. Овесната каша е многу добар извор на протеини, го намалува нивото на маснотии во крвта, делува антиканцерогено. Помага при запек и при разни степени на хемороиди.

  • Појадок: овесна каша, природен шеќер, шолја топло млеко
    Ручек: зеленчукова чорба, интегрални житарки, магдонос и лук
    Вечера: овесна каша, природен шеќер, 90 грама младо сирење, една голема лажица какао
IV ДЕН: Ориз

Оризот е богат со скапоцени витамини од Б – групата. Го намалува ризикот од рак на дебелото црево, го намалува нивото на маснотии и помага во случај на болести кои настануваат поради недостиг на диетални влакна (дијабетес, хемороиди, хроничен запек и варикозни проширени вени).

  • Пригответе дневна порција од ориз: ставете 150 гр. интегрален ориз во зовриена вода и варете на средна температура околу 35 минути. Излупете 450 гр. домашни јаболка, исечкајте ги на ситни парчиња, додадете малку вода и гответе ги на пареа 10 – тина минути.
  • Измешајте: интегрален ориз, јаболка, сок од 1 лимон, цимет и замена за шеќер. Поделете на три еднакви порции и јадете по една порција за секој оброк во текот на денот.

 

V ДЕН: Јачмен

Зрната од јачмен се богати со важни протеини, калиум и калциум. Јачменот ги јакне панкреасот и цревата и ја подобрува работата на желудникот, ја јакне крвта, а е корисен и за нервите.

  • Појадок: јачменова каша, природна замена за шеќер или еден децилитар топло млеко

    Ручек: зеленчукова чорба (полна шолја), јачменова каша, врзоп млад кромид и пиперка

    Вечера: јачменова каша, природен шеќер, пола чаша сок од портокал, две лажици обезмастен јогурт

VI ДЕН: Хељда

Хељдата е житарка која изобилува со калиум, фосфор и калциум, како и на речиси сите витамини од Б – групата и голема количина ниацин. Кашата од хељда го засилува организмот, а посебно им се препорачува на реконвалесцентите по хоспитализацијата.

  • Појадок: здрава каша од хељда, природна замена за бел шеќер и малку топло млеко
    Ручек: зеленчукова чорба, каша од хељда со малку зачини
    Вечера: каша од хељда, природна замена за шеќер, чаша немасен јогурт

 

VII ДЕН: Комбинација на житарки
  • Појадок: интегрална каша од пченица, природен засладувач и половина шолја топло млеко
Вљубеничка во здравата исхрана и науката, сака да чита литература од разни жанрови и обожава медицина