Ниеден човек не се придржува соодветно до правилата за вежбање. Да беше така, сите ќе бевме олимписки маратонци, нели? Бодибилдингот е индивидуална потрага, таква во која успехот се гради со многу обиди и грешки, толку многу, што не сакаме самите да си ги признаеме. Но еден од најдобрите начини за постигнување резултати на најбрз можен начин не во тоа да се осигураме дека се правиме како што треба, туку да процениме дека тоа што го правиме можеби го правиме погрешно. Листава што следува ги претставува деветте грешки кои луѓето најчесто ги повторуваат при вежбањето и исхраната, додека се трудат да добијат убави извајани мускули и да стопат колку што можат повеќе од телесните масти.

1. Прескокнување на појадокот

Се будите. Се туширате. Се бричите. Се облекувате. Ако имате среќа, на нозе пиете по едно кафе пред да се стрчате кон автомобилот и да заминете на работа. А, не сте јаделе ништо?! Тоа нема да ве одведе до успех.

Како прво, студиите покажале дека оние кои го прескокнуваат појадокот со сигурност се прејадуваат подоцна во текот на денот. Исто така, за секоја минута на која желудникот ќе ви ,,работи на празно,, по будењето, вашето тело се храни од мускулите за да добие енергија која му е потребна за да може да ги истурка секојдневните активности. А тој мора да ја земе од некаде таа енергија, дури и од вашите мускули. Ако не го обновите мускулниот гликокен со некакви здрави јагленохидрати, кои бавно се варат, или ако не му дадете на организмот аминокиселини и протеини, во тој случај се осудувате себеси на намалена активност или, што е уште полошо, на одолговлекување на активноста.

Недостигот од најважниот оброк во текот на денот има исто така врска и со вашето ниво на шеќер во крвта, предизвикувајќи несакани промени во енергијата и несакано натрупување на телесни масти. Иако овесната каша е одличен извор на влакна и на сложени јагленохидрати, главен појадок на еден бодибилдер треба да бидат семоќните јајца. Едно истражување спроведено во Универзитетскиот истражувачки центар Пенингтон во Луизијана, САД, открило дека јадењето јајца за појадок го намалува гладот и води до поголемо губење на мастите во делот на абдоменот. Поради тоа, најдобри резултати ќе имате ако за појадок имате оброци богати со протеини и јагленохидрати, и тоа најдобро во сооднос околу 2540% протеини, 5065% јагленохидрати и 10% масти.

2. Премногу кардио вежби

Вежбањето со тегови, само по себе, е едно од најмоќните активности за борба со мастите, бидејќи тоа ги гради мускулите, кои се метаболичко активно ткиво. Колку повеќе мускули ке оформните, толку повеќе калории ќе согорите. Тука најнеопходни се кардио вежбите – не само што ќе се изградат мускули и ќе се согорат телесните масти, туку одлично делува и врз целокупното кардиоваскуларно здравје. Но, притоа многу е лесно да се занесете со ваквите вежби. Оние кои сакаат побрзо да ги согорат мастите ќе започнат да ги продожуваат сериите и да додаваат повеќе кардио вежби, без да знаат дека со тоа всушност ја саботираат целокупната композиција на телото. Кардио вежбите согоруваат калории, но калориите се оние кои ги градат мускулите, па затоа додавањето повеќе вежби ќе биде многу потешко, посебно ако вашето тело постојано се бори со намалување на калориите. Освен тоа, прекумерното вежбање од било каков вид може да го попречи заздравувањето и да го поттикне хормонот на стрес, кортизол, кој ќе го попречи растот мускулите и согорувањето на масти.

За најдобри резултати, неделно изведувајте 2 – 3 серии кардио вежби. За поинтензивен кардио тренинг, секоја серија нека трае по 20 или помалку минути. За да не се превежбате, додавајте умерено по неколку минути плус на овие минути на по неколку недели. Ако забележите дека почнувате да губите мускулна маса или имате драстичен пад на енергијата, вратете им се на првичните минути и серии.

Crossfit11

 

3. Вежбање со пад на мускулите

Ни се допаѓаат енергични, ,,железни умри машки вежбачи,, кои сметаат дека една серија не е серија ако на крајот од секоја не им се закрвавени очите. Вежбањето со често повторување си има свое место, а истражувањето е многу прецизно кога кажува кога и како треба да се употребува најдобро. Мускулната сила ќе ви биде намалена ако ја насочите сета своја енергија на многубројно повторување на секоја серија, па токму затоа треба ова да го оставите за последната серија од вежбањето. Само на тој начин можат да се изградат мускулите. Истражувачите од Австралијанскиот институт за спорт во Канбера открил дека оние кои прават многубројни серии вежби на самиот старт, се здобиваат со помалку сила од оние кои тоа го прават на последната серија од вежбањето.

4. Вежбање без пад на мускулите

Една од најчестите појави кои можат да ги попречат резултатите при тренирањето е да не правите многубројни повторувања на сериите. Почетниците ова го прават поради страв, додека оние поискусните вежбачи тоа го прават поради некакво погрешно информирање дека ако го прават, тоа негативно ќе им влијае врз добивањето сила. Но, истражувачите од Австралијанскиот институт за спорт во Канбера откриле дека оние кои прават по четири или шест повторувања во последната серија, во текот на шест недели, ја зголемуваат својата сила за 10%.

Како дополнение на тоа, неодамнешното истражување објавено во The Journal of Nutrition открило дека синтезата на протеини била зголемена за 24 часа по вежбите со отпор кои се изведувале повеќепати и кај групите вежбачи со дигање потешки и кај оние групи со дигање полесни тегови, што значи дека повеќекратното повторување на сериите гради повеќе мускули, без разлика на тоа колкава тежина употребувате притоа.

 

Продолжи кон вториот дел

 

Вљубеничка во здравата исхрана и науката, сака да чита литература од разни жанрови и обожава медицина