Повредени сте? Вежбајте го неповредениот дел

Сметајте го вежбањето како одмор за вашето (неповредено) тело. “Ако, на пример, ви е повредена левата нога, имате полза од тоа да ја вежбате другата, неповредената нога,” вели Дејвид Хупер, помошен истражувач на државниот Универзитет за образование и човечка екологија во Охајо. “Тоа ќе допринесе истовремено да се вежба, до одреден степен, и повредениот екстремитет.” Да, вежбањето на еден дел од вашето тело може да помогне да се одржат мускулите од другите делови – лудо е, нели?

Пијте вино

Ако не сте чуле досега, црвеното вино содржи можен антиоксидант наречен ресвератрол, кој делува врз разложувањето на протеините и се бори против оксидативниот стрес и изумирањето на клетките – одлични нешта кога се работи за одржување на мускулите. Излегува дека најомилениот омилен антиоксидант на секој од нас дури може да помогне и за растење на мускулите, предлага истражувањето направено од страна на Journal of Translational Medicine. Немојте да го користите ова како изговор за да испразните цело шише, но во истовреме и немојте да се чувствувате лошо ако уживате во една чаша после напорниот и долг работен ден.

Уживајте во хамбургер

Најверојатно имате сретнато креатин во вашата локална продавница, но тој исто така се содржи и во црвеното месо. Креатинот им дава гориво на мускулите и се има докажано дека истовремено ја одржува и силата и големината на мускулите кога сте повредени, вели Џефри Р. Стаут, доктор и професор соработник при Универзитетот на Централна Флорида и автор на книгата ,,Неопходноста од креатинот во спортот и за здравјето,,.

Јадете протеини

Холандските истражувачи откриле дека редовното земање на протеини може да помогне во одржувањето на мускулите за време на подолга пауза од вежбање (протеините го снабдуваат организмот со аминокиселини, градивните елементи на мускулите). “Квалитетните извори на протеини, како што се протеините од животинско потекло (живина, јајца, риба, говедско месо, млечни производи со ниска вредност на масленост) и растителни протеини (соја, грав, мешунки, зеленчук, ореви и семиња) треба да бидат вклучени во секој оброк и ужина,” предлага Тифани Башус, диететичар и нутриционист од Аризона. “Земајте по 85 гр. до 142 гр. на секој оброк и од 56 гр. до 85 гр. за време на секоја ужина.”

Ограничете ги јагленохидратите

Помалку активност значи дека треба помалку да се внесуваат јагленохидрати. “Кога телото ви е активно, јагленохидратите се користат за да дадат енергија (заедно со мастите),” вели Башус. А, кога сте неактивни? Прекумерните јагленохидрати се трупаат во форма на масти. Башус предлага да се консумираат приближно по 15гр. до 25 гр. јагленохидрати со секој оброк и ужина.

Замислете си дека вежбате

Вежбајте ја имагинацијата додека не вежбате. Во истражување спроведено од страна на Јournal of Neurophysiology, на 29 испитаници им бил ставен гипс на онаа рака која не ја користеле цели четири недели. Половина од испитаниците замислувале како ги стегаат мускулите на надлактицата и ги свиткуваат рачните зглобови на пет секунди (без всушност да го прават тоа). Другата половина не правела вакви вежби. На крај од месецот, оние кои не ги правеле вежбите со замислување загубиле само 24% од нивната сила, споредено со 45% на оние кои ги правеле.

Изнаработете се пред паузата

Ако знаете дека ќе одите на одмор или предвидите дека ќе имате пренатрупан работен распоред следната недела, работете понапорно ОВАА недела. Доколку работите понапорно од вообичаено, на вашето тело ќе му биде потребно повеќе време за да закрепне, овозможувајќи ви на тој начин да изградите мускули за време на одморот, вели Хупер.

Вљубеничка во здравата исхрана и науката, сака да чита литература од разни жанрови и обожава медицина