Тренингот не треба да ви заврши по последната серија која сте ја направиле. За да го потврдите сиот напорен труд што сте го вложиле во тренингот, потребно е да посветите подеднакво внимание на рутините за закрепнување на телото по истиот. Познатиот фитнес тренер Ник Клејтон во разговор со списанието Muscle and Fitnes открил шест основни совети кои треба да ги применувате по тренинг.

 

 

Користете пенест валјак

 

Сигурно ќе чувствувате мала болка во мускулите, но миофасцијалната терапија во вид на користење пенест валјак ќе ви помогне оосбнео многу кога станува збор за стекнување подобра флексибилност на мускулите и циркулација на крвта. Пенестиот валјак има способност да ги елиминира мускулните јазли во мекото ткиво, кои можат да предизвикаат болка во мускулите. Оваа техника може да ја практикувате пред или по тренингот.

 

 

Оладете го телото

 

По последната обработена вежба, не ја напуштајте веднаш теретаната. Дозволете му на телото да се олади и со тоа спречете го наглиот продор на крв во вените. “Ги охрабрувам спортистите по тренингот задолжително да го оладат телото правејќи некој лесен кардио, со цел да го исфрлат непотребниот метаболички отпад”, изјавил Клејтон. Посебно внимание посветете им на оние делови од телото кои тој ден сте ги вежбале. На пример, ако сте правеле вежби за горниот дел од телото според зацртаната програма, направете лесен кардио, како што е да кажеме веслањето на ергонометарот.

 

 

Истегнување

 

Истегнувањето по тренинг е посебно важно за оние вежбачи кои чувствуваат воспаление на мускулите или кои имаат помала флексибилност и обем на движење на мускулите. Правилното истегнување му помага на нервниот систем да се опушти и регенерира. Посебно им се препорачува на оние вежбачи кои креваат поголеми тежини. Клејтон препорачал притоа да се стави фокус на дишењето од дијафрагмата.

 

 

Рехидратација

 

Потта има улога да го лади телото за време на физичка акивност без внесување течности, кои ги губиме преку потта и урината, доаѓа до појава на дехидрација. Гибење на 2% од телесната тежина преку потење при физичка активност може да има негативни ефекти врз здравјето и тренингот. Без адекватно внесување вода за време на тренингот, срцето ќе работи позабрано, а тоа само ќе ве замори побрзо. Квалитетната хидратација ја регулира температурата на телото, ги ,,подмачкува,, зглобовите и делува поволно на работата на органите за варење.

 

Користете протеини

 

Користењето на протеински суплементи во временски рок од еден час по тренингот помага за обновување на оштетените мусукулни ткива. Временскиот период по тренигот, кој сенарекува анаболички прозорец, трае помеѓу 24 и 36, и тоа е времето за кое е потребно телото да се снабди со важните нутритиенти, како што се протеините и аминокиселините. Изборот на протеини ќе зависи од вашите потреби и фитнес желби.

 

 

Носете компресивна облека

 

Носењето компресивна облека ќе ви помогне да го намалите нивото на токсини во мускулите, ќе ја подобри циркулацијата и  ќе го забрза закрепнувањето.

 

Вљубеничка во здравата исхрана и науката, сака да чита литература од разни жанрови и обожава медицина