Целулитот, кој најпрво се забележува на задникот и задниот дел на бутовите, во поблага или поизразена форма го имаат 98% од жените, стари и млади, слаби и дебели. Ако не се реагира на време, маснотиите се таложат и на другите делови од телото, и кога ќе се насоберат во количина да биде видлива, кожата добива нерамнини кои потсетуваат на кора од портокал.

 

Некои лоши животни навики, на прво место кафето, цигарите, физичката неактивност, неправилната исхрана, но и генетиката, играат многу важна улога во настанокот на целулитот. Со внимателн избор на намирници и умерено вежбање можат да се постигнат задоволителни резултати за кратко време.

На менито би требало да преовладува рибата, немасните меса, свежото овошје и зеленчук и производи од млеко со колку што може помал процент на масленост. Треба да се внесуваат многу течности, пред се вода и незасладени чаеви. Витамините Е и Ц од свежото овошје и зеленчук ја подобруваат еластичноста на кожата.

Умерената физичка активност исто така помага во решавањето на овој естетски проблем. Доволно е да се одделат по 30 минути три до четири пати неделно за целулитот да исчезне од критичните делови на телото.

 

Чучнување(plie)

 

Расчекорен став, стапалата се поставени малку пошироко од обемот на колковите и малку се свртени кон страна. Свиткајте ги нозете во колената и спуштете се во длабоко чучнување. Задржете се во таа положба неколку секунди и вратете се во почетната положба. Направете 3 серии од по 10 до 15 повторувања.

 

 

 

Исчекор

 

 

 

Расчекорен став, рацете се ставени на колковите. Направете исчекор со десната и спуштајте се надолу, додека десното колено не се најде под прав агол, а левото на само неколку милиметри од подот. Вратете се во почетната положба потпирајќи се со десната нога на подот. Повторете ја вежбата со другата нога. Правете наизменично од 15 до 20 исчекори. Ако сакате да ја направите вежбата потешка, земете по еден тег од половина или еден килограм во секоја рака.

 

Скалило

 

 

Застанете пред скалило, кое треба да биде во висина на коленото, и подигнете го левото стапало. Со петата од левата нога помагајте се додека телото не се исправи сосема и додека не стоите на една нога на скалилото. Вратете се полека назад, така што десната нога сосема да го допре подот. Повторете неколку пати, а потоа истата вежба направете ја и со другата нога.

 

Карлица

 

 

Легнете на грб, рацете поставете ги покрај телото, а нозете свиткајте ги во колената. Подигнете ја карлицата колку што можете најмногу. Задржете се во оваа положба две-три секунди, па вратете се во почетната положба. Повторете 10 – 15 пати.

 

Затегнување на задникот

 

Легнете на грб, свиткајте го коленото од левата нога, а десната исправете ја и подигнете ја во рамнина со натколеницата од свитканата нога. Вовлечете го стомакот, раширете ги рацете, подигнете го задникот и обидете се колку што можете најмногу да останете во таа положба. Повторете од 7 до 10 пати со секоја нога. За вежбата да биде потешка, наместо да ги држите рацете покрај телото, прекрстете ги на градите.

 

Подигање нозе

 

 

Клекнете на под, со подлактиците потпирајте се на подлогата. Едната нога свиткајте ја под агол од 90 степени и подигнете ја така што бутот да биде паралелен со подлогата, па вратете се во почетната положба. Повторете ја вежбата по 10 пати со секоја нога.

 

Вљубеничка во здравата исхрана и науката, сака да чита литература од разни жанрови и обожава медицина