6 јога пози за убави гради

Секоја жена може да постигне изглед каков што сака, само ако се потруди малку. Постојат посебни шест јога вежби, кои не само што ќе го поправат обликот на вашите гради, туку и поради нив ќе се чувствувате посилни и поздрави.

1. Поза воин

“Вирабадрасана” или позата воин ќе ви даде сила и ќе ви помогне да го приширите градниот кош, правејќи го поеластичен и поактивен.

– Раширете ги нозете, така што да бидат паралелни една со друга.

– Свртете го левото стапало на лева страна за 90 степени, а десното стапало кон навнатре. Издишете и свиткајте го левото колено, додека десната нога треба да ви остане рамна. Подигнете ги рацете и поставете ги во линија со рамењата. Свртете ја главата во лево, гледајќи во зглобот на раката.

– Повторете ја вежбата 7 до 10 пати, па истото направете го и на десната страна.

2. Поза триаголник

“Триконасана” или поза на триаголник ќе го опушти и зајакне градниот кош, го истегне рбетот и ќе ја подобри циркулацијата.

– Раширете ги нозете и свртете го левото стапало за 90 степени, а десното стапало за околу 15.

– Допрете го левиот зглоб со левата рака (со тек на време ќе можете да го допрате подот со раширена дланка, ако не можете сега), а десната рака подигнете ја кон нагоре, така што рацете да бидат во права линија. Рбетот и колената треба да бидат исправени.

– Подигнете ја главата и погледнете кон прстите од десната рака. Повторете ја вежбата и со другата страна.

3. Поза кобра

“Бујангасана” или позата кобра помага за зголемување на капацитетот на белите дробови, за истегнување на градните мускули, јакнење на стомачните мускули и за подобрување на држењето на телото.

– Легнете на стомак и вдишете длабоко. Полека подигнете го торзото, држејќи го истовремено долниот дел од телото на подот. Балансирајте на рацете и нозете.

– Подигнете ја главата и погледнете нагоре. Полека издишете и преминете на почетната положба. Обидете се да го зголемувате времето на позата со секое повторување.

4. Поза лак

“Данурасана” или позата на лак се препорачува за сите оние кои имаат болки во грбот. Оваа вежба помага за истегнување на целиот рбет и за обликување на градите.

– Легнете на стомак, издишете и свиткајте ги колената и подигнете ги наназад, кон главата. Обидете се да ги држите зглобовите со рацете

– Потоа полека повторно издишете и повлечете ги нозете и рацете кон горе, колку што можете. Колковите и градите не треба да го допираат подот и треба да балансирате на стомакот. Обидете да останете во оваа положба околу 30 секунди.

5. Поза велосипед

“Чакрасана” или позата велосипед помага за истегнување на градниот кош, рбетот и вратот, лекува главоболки.

– Легнете на грб и раширете ги нозете малку повисоко од ширината на рамењата, а потоа повлечете ги кон задникот.

– Ставете ги рацете над глава, така што прстите да ви бидат свртени кон главата. Издишете и подигнете ги градите и колковите колку што можете повисоко.

– Обидете се да ги исправите целосно рацете. Останете во оваа поза околу 30 секунди.

6. Поза камила

“Устрасана,, е позната како поза камила и е ефикасна против главоболки. Исто така, го зголемува капацитетот на белите дробови и го јакне градниот кош.

– Застанете на колена и спојте ги стапалата.

– Полека свиткајте се наназад и ставете ги рацете на петите. Свиткајте го грбот назад и истегнете ги ребрата. Главата треба да ви биде свиткана кон подот.

– Останете во оваа положба околу 30 секунди и вратете се потоа во почетната положба.