Ако вежбате веќе извесно време, сигурно имате наидено на многу информации за вежбање и фитнес. Иако во денешно време, кога живееме во глобално село, е лесно да се дознаат сите потребни информации, па така и оние за вежби, проблемот ое во тоа што можете исто така да наидете и на многу невистини и заблуди. Некои митови се само безопасни полувиситни, но некои можат сериозно да ви наштетат. Можат да доведат до исфрустрираност, но и до повреди. Затоа земете ги во обзир овие факти.

1. Одењето не е толку многу ефикасно како трчањето

Секако, ќе потрошите многу повеќе калории ако трчате 30 минути, отколку што би сте потрошиле за истото тоа време со одење. Но, ако се мине истата далечина, се губат отприлика подеднаков број на калории.

Значи, ако сте подготвени и ако ви е полесно да одите со побавно темпо, а ќе ја минете истата далечина, веројатно ќе загубите исто колку и оној кој трча. Всушност, истражувањата покажале дека многу повеќе значи колку подолго вежбате, отколку колку интензивно вежбате.

2. Вежбањето го зголемува гладот

Ова е честа заблуда – ако потрошите неколку стотини калории за време на тренинг, ќе огладнете и на крајот ќе изедете повеќе отколку што сте потрошиле. Но, истражувањата покажуваат дека вежбањето нема никакво влијание на потребата за храна, со исклучок на професионалните спортисти, кои вежбаат два часа дневно или повеќе. Во стварност, истражувањата покажуваат дека вежбањето често ја поттиснува гладта и по тренингот.

 3. Ако мускулите не болат, не се вежбало доволно

Многумина сметаа дка болката во мускулите е мерило за тоа колку добро и ефикасно се вежбало. Но, болката во мускулите е предизвикана од ситни оштетувања во мускулните влакна и додека слабата и умерена болка е нормална, ако редовно се менува програмата за вежбање, болката и неколку дена по тренингот значи дека сте претерале. Доколку мускулите ве болат по секој тренинг, значи дека не му дозволувате на телото да се одмори. За да го спречите тоа, треба да се загреете пред тренинг, и да се истегнувате пред и по него. Одморете се ден – два ако имате болки во мускулите, а потоа повторете ги истите вежби кои ја предизвикале болката, но со послаб интензитет.

4. Од тренинг со справи или тегови се добива и несакана мускулна маса

Некои жени одбегнуваат да тренираат со тегови, бидејќи не сакаат премногу да го зајакнат телото. Сепак, тренингот на сила е клучен елемент за одржување на здрава тежина, кондиција и за јакнење на телото. Она што го знаат стручњаците е дека една просечна жена толку лесно да добие на тежина и мускулна маса, бидејќи нема доволна количина хормони за градење на голема количина мускули. Дури и на мажите им е тешко да добијат мускули.

5. Не постои најдобро време за вежбање

Ако редовно пешачите поради здравје или кондиција, нема врска кога го правите тоа. Но, доколку вежбате посериозно или се занимавате со некој спорт и сакате да имате најголема можна ефикасност од тренингот – најдобар избор е доцна попладне, кога телесната температура е највисока. Мускулите се топли, времето на реакција е брзо, а силата е на самиот врв. Доколку тогаш се потрудите повеќе, ќе потрошите многу повеќе калории.

 

Вљубеничка во здравата исхрана и науката, сака да чита литература од разни жанрови и обожава медицина