Покрај тоа што е важно кога и колку сме јаделе пред тренингот, ништо помалку не е важно и ШТО сме јаделе. Не е доволно само да се биде нахранет колку што е важно да се има енергија за да се обработи до крај она што го имаме научено токму за тој ден. Одредени намирници ќе ви помогнат во ова, а некои други на половина тренинг ќе ве изневерат или, уште полошо, ќе ве натераат да посакате да не сте ни започнале со загревањето. За да не ви се случуваат вакви работи, еве список на намирници кои треба да ги тргнете од својата листа на оброци за пред тренинг.

1. Нерастворливи растителни влакна

Влакната се одлична работа – го регулираат шеќерот во крвта, го снижуваат холестеролот, го намалуваат ризикот од рак на дебелото црево, помагаат при слабеењето, бидејќи даваат чувство на ситост и воглавно имаат малку калории, а се полни со витамини. Па, тогаш што може да биде проблем? Уште една корист кои се добива од растителните влакна (пред се, од нерастворливите) е поттикнувањето на движењето на храната низ нашиот систем за варење. Пропратниот ефект од оваа полза е надуеност, гасови и грчеви. Покрај тоа што немате доволно енергија од овие намирници, ќе имате и многу непријатни ситуации.

2. Масти

Мастите се клучен дел од секоја исхрана, бидејќи учествуваат во изградбата на клеточните мембрани, носители се на витамините, играат значајна улога во изградбата на имунитетот… Во секоја исхрана мора да има квалитетни масти. Но, иако нудат чувство на ситост, тие не се најдобар избор за јадење пред тренинг. Потребно им е многу време за да се разложат, долг е процесот на трансформирање на мастите, па поради тоа може да дојде до недостиг на енергија.

3. “Брзи” шеќери

Простите јагленохидрати (прости шеќери) ги карактеризира висок ГИ (гликемиски индекс). Тоа значи дека поради своите едноставни хемиски структури брзо се варат и брзо стигаат во крвотокот (нагло порастување на шеќерот во крвта). Реакцијата на ова е засилено излачување на инсулин и потоа нагло паѓање на шеќерот во крвта. Во пракса, тоа значи дека после добар старт многу брзо можете да станете истрошени и исцрпени. Не е нужно да се одбегнуваат во целост простите шеќери пред вежбање, но ако ги комбинирате со комплексни, побавни јагленохидрати, ќе добиете енергија која ќе ве држи до крајот на тренингот. Прости шеќери се бел ориз, пециво, корнфлекс, овошје, мед, печен компир, а бавни се интегрален леб и тестенини, кафеав ориз и т.н.

4. Млеко и млечни производи

Кога се работи за млекото, одговорот е дефинитивно не. Варењето на млекото и млечните производи е бавно, а може дури и да предизвика изиритираност на стомакот кај чувствителните лица. Летаргијата и поспаноста исто така не се исклучени. Млекото , јогуртот сирењата и другите млечни производи треба да ги исфрлите барем три часа пред вежбањето.

5. Зачинета храна

Презачинетата храна може да има различни последици. Солената храна доведува до дехидрација и зголемена потреба за внесување течности. Се подразбира да пиете вода за време на тренингот, но по силен оброк да се додава уште во стомакот секако не е добра идеја. Последиците од дехидрацијата се грчеви и главоболка. Од друга страна, лутата и силна, многу масна храна може да предизвика надуеност и чувство на тешкотија.

 

 

Вљубеничка во здравата исхрана и науката, сака да чита литература од разни жанрови и обожава медицина