Стручњаците велат дека сега е вистинско време да и се објави војна на ,,кората од портокал,, на колковите, долниот дел од грбот, стомакот… Со следниве вежби ќе ја подобрите циркулацијата, ќе го забрзате метаболизмот и ќе го согорите вишокот масти. Најдобри резултати се постигнуваат со пливање, брзо одење и возење велосипед, но и со некои аеробни вежби.

1. Чучнувања

Расчекорен став, стапалата се паралелни и во ширина со колковите. Спуштајте се во чучнување, но внимавајте притоа колената да не ги надминуваат ножните прсти. Грбот мора да биде прав, а погледот насочете го пред себе. Кога сте во чучната состојба, треба да почувствувате како телото се потпира на петите.

celulit21

2. Чучнување во расчекор

Расчекорен став, стапалата се паралелни и во ширина со колковите. Со едната нога исчекорете нанапред и спуштајте се полека во чучнување. Коленото од предната нога не треба да ги надминува ножните прсти, а бутот и потколеницата треба да формираат прав агол.

 

celulit31

 

3. Кревање нога

Клекнете на колена и со дланките потпрете се на подот. Кренете ја едната нога, која пред тоа ќе свиткате во коленото под прав агол, и почнете да ја кревате и спушате така што да почувствувате затегнување во мускулите на задникот. Повторете ја постапката десеттина пати, а за сето тоа време ногата треба да ја држите под прав агол. Повторете го истото и со другата нога.

 

celulit41

 

 

4. Кревање нога на пилатес топка

Седнете на топка за пилатес. Грбот треба да ви биде прав, а рацете ставете ги на колковите или на секоја страна од топката за да имате рамнотежа. Кревајте ја едната нога се додека не биде права. Прстите притоа мора да бидат затегнати кон нагоре. Работете наизменично со двете нозе.

5. Затегнување на колковите

Легнете на грб, нозете свиткајте ги во колената, рацете поставете ги покрај себе. Едното стапало префрлете го преку коленото од другата нога. Стегнете ги стомачните мускули и кренете ги колковите високо нагоре. Останете во оваа положба околу пет секунди, притоа добро стегнете ги мускулите и полека спуштајте се надолу. Не го виткајте грбот кога сте во подигната положба. Повторете ја вежбата по 10 пати со секоја нога.

 

celulit61

 

Вљубеничка во здравата исхрана и науката, сака да чита литература од разни жанрови и обожава медицина