Со овој тренинг ќе ги зајакнете сите мускули на стомакот и во исто време ќе го поттикнете согорувањето на мастите. Тренингот треба да се прави барем три пати неделно. Сите 5 вежби треба да се прават без пауза. Штом еднаш ќе го завршите кругот на вежби, направете пауза од 2 минути и повторете го кругот уште два пати.

Вежба 1

stomak-vezba1

 

Застанете на колена. Рацете се директно под рамењата, а колената се под колковите. Затегнете ги мускулите на стомакот и подигнете го трупот, така што да сте во положба за правење склекови. За сето време мускулите на стомакот треба да бидат затегнати. Грбот за сето време нека биде целосно рамен. Лесно подигнете го стомакот кон таванот и затегнете колку што можете повеќе. Останете во оваа положба барем една минута.

Вежба 2

stomak-vezba2

 

Седнете на десниот колк и левиот лакт ставете го директно под левото раме. Колената треба да бидат малку свиткани, а стапалата рамно поставени на подот, едно на друго. Подигнете го трупот кон таванот, така што телото да биде во рамнина. Затегнете ги мускулите на левата страна на трупот и подигнете го колкот кон таванот, така што да дојде во рамина со стапалата и рамењата. Задржете се во оваа положба 3 секунди, спуштете се и направете по 10 повторувања.

Вежба 3

stomak-vezba3

 

 

Легнете на грб. Подигнете ги нозете и малку свиткајте ги колената. Рацете ставете ги покрај телото, така што дланките да бидат свртени кон подот. Затегнете ги мускулите на стомакот, подигнете ги колковите и заротирајте ги во десно. Останете во таа положба 3 секунди и вратете се потоа во почетната положба. Нозете за сето време треба да бидат во воздух. Повторете го истото и на другата страна. Продолжете да ги менувате страните наизменично и направете 10 повторувања на секоја страна.

Вежба 4

stomak-vezba4

 

Земете тег од 2 до 3 килограми. Застанете така што стапалата да бидат во рамнина со колковите, а колената малку свиткани. Затегнете ги мускулите на стомакот. Испружете ги рацете над десното рамо и лесно заротирајте го трупот. Затегнете ги мускулите на целиот труп и спуштајте го тегот кон надворешната страна од левото колено. Задржете се во оваа положба неколку секунди и вратете се во почетната положба. Направете 15 повторувања на секоја страна.

Вежба 5

 

stomak-vezba5

 

Легнете на грб, нозете се малку подигнати, а колената малку свиткани под прав агол. Испружете ги рацете во страна, а дланките поставете ги свртени кон таванот. Затегнете ги мускулите на стомакот и спуштајте ги нозете во десно. Рамењата за цело време треба да останат на подот. Вратете ги нозете во почетна положба и истото повторете го и на другата страна. Продолжете да ги менувате страните и направете по 10 повторувања на секоја страна

 

Вљубеничка во здравата исхрана и науката, сака да чита литература од разни жанрови и обожава медицина