1. Не јадете доволно (поради страв дека ќе се здебелите)

Да, екстра калории може да значат и малку екстра маснотии на стомакот, но ако кревате континуирано и правилно, повеќето од она што сте го изеле ќе се претвори во мускули. Вистината е дека вашите мускули нема да растат без вишок калории. Слаб човек кој сака да добие на мускулна маса, треба да внесува повеќе од 2000 калории дневно. Всушност, доколку консумира помалку од ова-тоа е идеален рецепт за губење на мускулните ткива и штедење на мастите, што предизвикува телото да премине во фаза на изгладнување и да троши калории потребни за изградба на мускули. Тоа, исто така, прави да складирате масти како итни енергетски извори. И колку помалку протеини внесувате, толку помалку шанса им давате на вашите мускули да се опорават по тренингот.

2. Премногу кардио вежби

Постојат три начини на кои кардио тренингот обично го спречува добивањето на мускулна маса : доколку го правите премногу често, доколку трае премногу долго, или доколку вежбате на празен стомак. Во принцип, дневните кардио сесии едноставно согоруваат премногу кумулативни калории за да ви го овозможат вишокот кој ви е потребен за изградба на мускулна маса, а истото може да се каже и за сесиите кои траат 45 минути или повеќе. Доколку правите кардио вежби наутро пред појадок, само го зголемувате проблемот. Кога ќе се разбудите, вашето тело е веќе во катаболичка состојба (состојба на трошење на мускулите), а поради ноќното спиење и времето поминато без јадење – вие сте прегладнети. Вежбањето веднаш по будењето само ја зајакнува оваа состојба и го зголемува интензитетот- без разлика дали ќе вежбате на лента за трчање или со оптоварувања. Крајниот резултат: ќе потрошите мускули како гориво наместо калориите кои требаше да ги изедете за појадок.

3. Вежбате до исцрпеност

Сигурно и вие во фитнес салата го имате најголемиот тип кој вè учи дека правењето на многу и многу серии и повторувања до точка на целосен колапс е најдобриот начин за да изградите мускули. Никогаш не заборавајте дека на него генетиката му била и повеќе од наклонета и / или е најверојатно на стероиди. Повеќе од 20 вкупни серии на една мускулна група, или повеќе од 15 повторувања по серија, може да ги потече вашите мускули, но тоа ќе биде предизвикано од воспаление, а не од вистински раст на мускулите. Било која тежина која дозволува премногу вежбање е премногу мала за да предизвика значителен раст, и за жал ќе немате трајни придобивки од таквото вежбање.

4. Со вежбите фаворизирате одредени делови од телото

Вашиот тренинг се сведува на денови за гради, денови за грб и раце – а тоа води до претренираност на одредени мускули и занемарување на други. Ова е начин на вежбање од старата школа – и е неверојатно застарен. Повеќето момци сепак го практикуваат, и можеби ќе имаат одреден напредок некое време, но потоа во напредокот доаѓа до застој, обично поради повреди. Овие рутини за вежбање на одредени делови од телото исто така спречуваат вашите најголеми мускули да научат да работат заедно во вид на координирани напори кои ви се потребни за кревањето на навистина големи тежини-уште еден важен факт за брз раст.

 

muskulna_masa2

5. Го прескокнувате истегнувањето

Здодевно? Дефинитивно. Но истегнувањето се покажа дека го забрзува обновувањето на мускулите и го зголемува нивниот опсег на движење, со што се создава повеќе простор за раст на мускулните влакна. Едноставното кревање на тежини ќе го зголеми ризикот од повреди и сериозно ќе ја ограничи вашата способност да напредувате.

6. Јадете само понекогаш

Вистината е : Нередовното јадење е речиси исто толку лошо и како нејадењето воопшто. Кога ќе останете повеќе од три часа без храна, вашиот метаболизам значително се забавува.Кога ова се случува, наредниот пат кога ќе изедете нешто, има добри шанси дека голем процент од тоа нешто ќе биде складирано како масти. Зошто? Обвинете го вашето тело. Без храна, вашето тело преминува во фаза на глад и почнува да размислува како да ја задржи секоја калорија која ќе ја внесе.

7. Ретко ја менувате вашата рутина

Со практикување на истата рутина за тренинг недела по недела, во најдобар случај, ќе спречи напредок, а, во најлош случај, ќе доведе до премореност на мускулите. Доколку не им наметнете некои нови предизвици на вашите мускули како на пример- зголемување на тежината која ја користите или бројот на повторувања кои ги изведувате, вие едноставно ќе им помагнете да ја задржат истата големина, додека пак поттикнувањето себеси за понапорно вежбање отколку што сме навикнати, всушност, ќе поттикне создавање на нови мускули и сила.

8. Ги вежбате единствено оние делови кои ги гледате во огледало

Фокусирајќи го вашето вежбање на трофејните мускули како што се бицепсите или трицепсите може да биде навистина забавно, но тоа нема да направи многу за вашиот севкупниот развој. Бидејќи речиси 70% од вкупната мускулатура на вашето тело се наоѓа во нозете и грбот, вашиот главен потенцијал за раст на мускулите ќе остане неискористен. Исто така, овој вид на тренинг ќе доведе до мускулна нерамнотежа, која пак би можела да доведе до повреди и може да ве задржи надвор од теретаната одредено време.

9. Не пиете шејкови

Пиењето на различните протеински и јаглехидратни шејкови после тренингот, го започнува веднаш процесот на опоравување, преку обновување на изгубениот гликоген (во вашите мускули се складира енергија ) и обезбедување на хранливи материи кои му се потребни на вашето тело за обновување на мускулите и нивен побрз раст. Прескокнувањето на шејковите и чекањето еден час или повеќе до следниот оброк е како игнорирање на повикот за помош.

10. Не се одмарате доволно

Спиењето е времето кога се случува обновувањето на мускулите, па со спиење шест или помалку часа навечер, се ограничува природното производство на хемикалии од суштинско значење за градење на мускулите, како што е хормонот за раст. Премногу активност вон вежбањето, како што е различни спортови, целовечерни танцувања на забави или дополнителен стрес- се дозволени сега и тогаш, но претерувањето со нив може да ја забави изградбата на мускулната маса. И доколку вежбате седум дена во неделата, имаме уште пријатно изненадување за вас: Вие сигурно ќе ги изгубите изградените мускули. Таква висока фреквенција на вежбање нема да им овозможи на мускулите време за регенерација, и вашите напори ќе бидат залудни. И не, не е важно дали тренирате различни мускулни групи секој ден- вие сеуште го имате истиот централен нервен систем, и сеуште сте уморни бидејќи морате да се справувате со голем физички напор секој ден.

Вљубеничка во здравата исхрана и науката, сака да чита литература од разни жанрови и обожава медицина